అరకు చలి ఉత్సవ్ విజయవంతం చేయాలి.

జిల్లా కలెక్టర్ దినేష్ కుమార్ ,పర్యాటకులు,ప్రజల భాగస్వామ్యంతో,అధికారుల సమన్యాయంతో మూడు రోజుల పాటుఘనంగా అరకు చలి ఉత్సవ్ ను అత్యంత వైభవంగా నిర్వహించాలని జిల్లా కలెక్టర్ ఏ ఎస్ దినేష్ కుమార్ అధికారులను ఆదేశించారు. గురువారం ఉదయం కలెక్టరేట్ సమావేశం మందిరంలో జిల్లా అధికారులతో అరకు చలి ఉత్సవ్ 2026 నిర్వహణ ఏర్పాట్లు పై ముందస్తు సమీక్షా సమావేశం నిర్వహించారు.​ఈ సందర్భంగా కలెక్టర్ మాట్లాడుతూ, అరకు అందాలను ప్రపంచానికి చాటిచెప్పేలా, స్థానిక సంస్కృతిని ప్రతిబింబించేలా ఈ వేడుకలు ఉండాలని పేర్కొన్నారు. ప్రతి విభాగం సమన్వయంతో పనిచేసి పర్యాటకులకు ఎటువంటి ఇబ్బందులు కలగకుండా చూడాలని సూచించారు.
​మొదటి రోజు 30 జనవరి 2026 అడ్వెంచర్ మరియు కాంటెంపోరారీ కల్చర్
​సాహస క్రీడలు, ట్రెకింగ్ మరియు ఆధునిక సాంస్కృతిక ప్రదర్శనలతో ఉత్సవాలు
ప్రారంభమవుతాయి. ​పర్యాటకులను ఆకట్టుకునేలా ప్రత్యేక అడ్వెంచర్ జోన్‌లను ఏర్పాటు చేయనున్నారు.
​రెండవ రోజు 31 జనవరి 2026 యూత్, స్పోర్ట్స్ మరియు ట్రైబల్ లైఫ్ స్టైల్
​యువత కోసం ప్రత్యేక క్రీడా పోటీలు నిర్వహిస్తారు. ​గిరిజన జీవనశైలిని ప్రతిబింబించేలా ప్రదర్శనలు, గిరిజన కళారూపాలు మరియు సంప్రదాయ వంటకాల ప్రదర్శనలు, స్ట్రాల్స్ ఏర్పాట్లు ఉంటాయి.
​మూడవ రోజు 01 ఫిబ్రవరి : ముగింపు వేడుకలు ​స్థానిక కళాకారుల ప్రదర్శనలు మరియు బహుమతి ప్రధానోత్సవంతో ఉత్సవాల కార్యక్రమాలు ఉంటాయన్నారు.ఉత్సవాలకు వచ్చే పర్యాటకుల కోసం రవాణా, తాగునీరు, మరియు భద్రతా ఏర్పాట్లలో ఎటువంటి లోటుపాట్లు ఉండకూడదని కలెక్టర్ స్పష్టం చేశారు.