ఫ్లెక్సీ ఏర్పాటు చేసిన పెళ్ళికాని ప్రసాదులు

పెళ్లి కుమార్తె ప్లీజ్., చిత్తూరు జిల్లా కలికేరిపల్లె లో ఘటన ,చిత్తూరు జిల్లాలోని ఒక గ్రామంలో పెళ్లి కాని యువకులు కొత్త ప్రయత్నం చేశారు. కలికిరిపల్లెలో వినూత్న బ్యాటీనర్లను ఏర్పాటు చేసారు. పెళ్లికి యువతులు కావాలన్న సందేశంతో ఏకంగా ఫ్లెక్సీలను ఏర్పాటు చేసి అందరినీ ఆకట్టుకున్నారు. పశువుల పండుగలో యువత క్రియేటివిటీ ని ప్రదర్శించడం హాట్ టాపిక్ అయింది. సంక్రాంతిని పెద్దల పండుగ జరుపుకునే చిత్తూరు జిల్లాలో పట్నం నుంచి పల్లెకు వచ్చిన యువకులు మూడు రోజులు పండుగ జరుపుకుంటారు. భోగి సంక్రాంతి ఆ తర్వాత రోజు కనుమ హుషారుగా జరుపుకునే యువత ఐరాల మండలం కలికిరి పల్లిలో అందరినీ ఆకట్టుకునేలా ఫ్లెక్సీలను ఏర్పాటు చేశారు. స్నేహితులు బంధువులకు కుటుంబ సభ్యులకు సంక్రాంతి శుభాకాంక్షలు ఏర్పాటు చేయడంతో పాటు పెళ్లి కాని యువకులంతా తమకు వధువు కావాలంటూ ఫ్లెక్సీలో ఫోటోలు వేసి ఏర్పాటు చేశారు. గ్రామం నడిబొడ్డున ఏర్పాటు చేసిన ఈ ఫ్లెక్సీలు సందర్శకులను ఆకట్టుకుంటుండగా అందరూ వింతగా చూస్తున్నారు. యువకుల స్పెషల్ బ్యానర్ల గ్రామంలో చర్చనీయాంశంగా మారిపోగా.. కలికిరిపల్లి పశువుల పండుగలో నవ్వులు పూయించింది. మ్యారేజ్ అడ్వర్టైజ్ బ్యానర్లను వినూత్న ఆలోచన చేసిన యువత పెళ్లి ప్రకటన పండుగలో సందర్శకుల దృష్టి ఆకర్షించింది. సాధారణంగా శుభాకాంక్షలు, సంప్రదాయ సందేశాలు, పశువుల పూజ ప్రాముఖ్యత వంటి విషయాలతో బ్యానర్లు ముస్తాబయ్యే ఉత్సవాల్లో ఈసారి మాత్రం యువకులు వినూత్న ఆలోచనతో ముందుకొచ్చారు. పండుగ వాతావరణాన్ని వినోదాత్మకంగా మార్చే ప్రయత్నంలో భాగంగా యువకులు తమ ఫోటోలను బ్యానర్లపై ముద్రించించి, వాటిపై స్టార్ గుర్తులు ఉంచుతూ పెళ్లికి యువతులు కావాలి అనే ప్రత్యేక సందేశాన్ని పొందుపరిచారు. ఈ అసాధారణమైన ఆలోచన పండుగకు వచ్చిన ప్రతి ఒక్కరి దృష్టిని ఆకర్షించగా బ్యానర్‌ను చూసిన గ్రామస్తులు, సందర్శకులు కడుపుబ్బా నవ్వుకున్నారు. ఈ క్రియేటివ్ ఆలోచనతో కొందరు యువకుల ప్రయత్నం సరదా వాతావరణాన్ని తీసుకొచ్చిందని గ్రామస్థులు అభిప్రాయపడ్డారుకలికిరిపల్లెలో హాట్ టాపిక్‌గా మారిన ఫ్లెక్సీ లు సోషల్ మీడియాలోనూ వైరల్ అవుతున్నాయి.