దామోదరం సంజీవయ్య జయంతిని రాష్ట్ర పండుగగా జరపాలని ప్రభుత్వం నిర్ణయించిన సందర్భంగా నిడదవోలు పురపాలక సంఘ కార్యాలయంలో శనివారం ఘనంగా కార్యక్రమం నిర్వహించారు. జిల్లా కలెక్టర్ కిర్తీ చేకూరి ఆదేశాల మేరకు ఏర్పాటు చేసిన ఈ కార్యక్రమంలో మున్సిపల్ చైర్మన్ భూపతి ఆదినారాయణ, మున్సిపల్ కమిషనర్ టి. కృష్ణవేణి సంజీవయ్య చిత్రపటానికి పూలమాలలు అర్పించి నివాళులు తెలిపారు.
ఈ సందర్భంగా వారు మాట్లాడుతూ, సామాన్య ప్రజల సంక్షేమానికి కృషి చేసిన మహానేతగా దామోదరం సంజీవయ్య సేవలు చిరస్మరణీయమని పేర్కొన్నారు. సామాజిక న్యాయం, సమానత్వం కోసం ఆయన చేసిన కృషి నేటి తరాలకు ఆదర్శమని కొనియాడారు. రాష్ట్ర పండుగగా జయంతిని నిర్వహించడం ఆయనకు ప్రభుత్వం అందిస్తున్న గౌరవ సూచికమని అన్నారు.
ఈ కార్యక్రమంలో మున్సిపల్ వైస్ చైర్మన్ షేక్ వజీరుద్దీన్, 6వ వార్డు కౌన్సిలర్ పువ్వల రతీదేవి, మున్సిపల్ సిబ్బంది, సచివాలయ సిబ్బంది, మెప్మా సిబ్బంది మరియు ఇతరులు పాల్గొన్నారు. కార్యక్రమం సాదాసీదాగా కానీ గౌరవప్రదంగా జరిగింది.
దామోదరం సంజీవయ్య జయంతి రాష్ట్ర పండుగగా నిర్వహణ
RELATED ARTICLES