పేదవాడి ప్రాణానికి ముఖ్యమంత్రి సహాయ నిధి భరోసా

ఎమ్మెల్యే బండారు
​
ఆపదలో ఉన్న పేద కుటుంబాలకు ముఖ్యమంత్రి సహాయ నిధి ఒక వరప్రదాయినిగా మారుతోందని,ఖరీదైన వైద్యం సామాన్యుడికి భారమవుతున్న తరుణంలో, ప్రభుత్వం అందిస్తున్న ఈ ఆర్థిక వెన్నుదన్ను అనేక కుటుంబాల్లో వెలుగులు నింపుతోందని మాడుగుల ఎమ్మెల్యే బండారు సత్యనారాయణమూర్తి అన్నారు.​గురువారం వెన్నెలపాలెం తన స్వగృహంలో ఎమ్మెల్యే బండారు ఇద్దరు లబ్ధిదారులకు సుమారు ₹99,100/- విలువైన చెక్కులను అందజేశారు.
​అనారోగ్య కారణాలతో ఇబ్బంది పడుతున్న మాడుగుల నియోజకవర్గం మామిడిపాలెం కు చెందిన నెక్కల సత్తిబాబుకు రూ.62,000/-,పెందుర్తి నియోజకవర్గం సబ్బవరం మండలం సూరెడ్డిపాలెం కు చెందిన
​గొర్లి రమణమ్మ కు రూ.37,100/- సహాయనిది చెక్కులను అందజేశారు.
​కష్టకాలంలో తమ దరఖాస్తును ప్రభుత్వం దృష్టికి తీసుకెళ్లి సాయం అందేలా చేసిన ఎమ్మెల్యేకు బండారుకు లబ్ధిదారులు ధన్యవాదాలు తెలిపారు.​ప్రభుత్వం ఆరోగ్యశ్రీ ద్వారా ఉచిత వైద్యం అందిస్తున్నప్పటికీ,ఆ పథకం పరిధిలోకి రాని కొన్ని క్లిష్టమైన చికిత్సలకు ఇతర అత్యవసర ఖర్చులకు సీఎంఆర్ఎఫ్ అండగా నిలుస్తోందని ఎమ్మెల్యే బండారు పేర్కొన్నారు.ఈ
​కార్యక్రమంలో అనకాపల్లి జిల్లా టి ఎన్ టి యు సి అధ్యక్షులు రొంగలి గోపాలకృష్ణ,పరవాడ మండల తెలుగు యువత అధ్యక్షుడు పైల చిన అక్కునాయుడు,లోకిరెడ్డి సన్యాసినాయుడు(అభి ), భోజంకి అప్పలనాయుడు, వెన్నెల గిరి,బండారు నర్సింగరావు పలువురు తెదేపా నాయకులు,కార్యకర్తలు పాల్గొన్నారు.