ప్రధానమంత్రి ఉషా అండర్జీఈఐఈ పథకం నిధులతో, కొయ్యూరు మండలం మర్రిపాలెంలోని ప్రభుత్వ డిగ్రీ కళాశాలలో సమయ నిర్వహణ మరియు లక్ష్య నిర్ధారణ” అనే అంశంపై అవగాహన వర్క్షాప్ను శుక్రవారం నిర్వహించారు. ఈ కార్యక్రమాన్ని జీడీసీ పాడేరు ప్రిన్సిపాల్ ఆధ్వర్యంలో ఏర్పాటు చేయగా, డా. వి. చిట్టప్ప అధ్యక్షత వహించారు. వర్క్షాప్ కన్వీనర్గా జీడీసీ మడిపాలెం (కోయ్యూరు జిల్లా) ప్రిన్సిపాల్ డా. సుధ వ్యవహరించారు.
ఈ కార్యక్రమానికి సమన్వయకర్తలుగా ఆంగ్ల విభాగ అధ్యాపకురాలు డా. జి. మేరీ పుష్ప మరియు చరిత్ర విభాగ అధ్యాపకురాలు భువనేశ్వరి దేవి పనిచేశారు. కార్యక్రమానికి ముఖ్య వనరుల వ్యక్తిగా ఇంపాక్ట్ ఇంటర్నేషనల్ ట్రైనర్ శ్రీ పి. లక్ష్మణ్ హాజరై, లక్ష్య నిర్ధారణ ప్రాముఖ్యతపై విద్యార్థులకు ప్రేరణాత్మకంగా వివరించారు. సాక్రటీస్, ఐన్స్టీన్ వంటి మహానుభావుల ఉదాహరణలతో పాటు తన వ్యక్తిగత జీవిత అనుభవాలను కూడా పంచుకున్నారు.
అలాగే జార్ఖండ్ ముఖ్యమంత్రి అర్జున్ ముండా జీవితాన్ని ఆధారంగా తీసుకుని రచించిన తన పుస్తకం గురించి వివరించి, ఆయనను ఆదర్శంగా తీసుకుని ముందుకు సాగాలని విద్యార్థులకు సూచించారు. నేటి విద్యార్థులు సామాజిక మాధ్యమాలైన వాట్సాప్, ఇన్స్టాగ్రామ్లలో సమయాన్ని వృథా చేస్తున్నారని, వాటిని బానిసలుగా కాకుండా స్వీయాభివృద్ధికి ఉపయోగించుకోవాలని సూచించారు. ఈ వర్క్షాప్ను క్రిస్టల్ మేనేజ్మెంట్ సర్వీసెస్, విశాఖపట్నం వారు నిర్వహించారు. కార్యక్రమంలో కళాశాల విద్యార్థులందరూ ఉత్సాహంగా పాల్గొని, వర్క్షాప్ ఎంతో ప్రయోజనకరంగా ఉందని అభిప్రాయం వ్యక్తం చేశారు.
