ప్రపంచ వైద్య చరిత్రలో ఒకే వ్యక్తి అత్యధిక సంఖ్యలో శస్త్రచికిత్సలు చేయించుకున్న అసాధారణ ఉదంతం అమెరికాకు చెందిన చార్లెస్ జెన్సన్ విషయంలో కనిపిస్తుంది. ఆయన తన జీవితకాలంలో సుమారు తొమ్మిది వందల డెబ్బై శస్త్రచికిత్సలు చేయించుకుని గిన్నిస్ ప్రపంచ రికార్డును నెలకొల్పారు. ఇది ఒక సామాన్య మానవుడికి ఊహించని సంఖ్య అయినప్పటికీ చార్లెస్ ఎదుర్కొన్న అనారోగ్య పరిస్థితి ఆయనను ఇన్నిసార్లు శస్త్రచికిత్స గదికి వెళ్లేలా చేసింది. ఆయనకు ఉన్న బేసల్ సెల్ నెవస్ సిండ్రోమ్ అనే అరుదైన జన్యుపరమైన వ్యాధి కారణంగా శరీరమంతా నిరంతరం చర్మ క్యాన్సర్ గడ్డలు ఏర్పడేవి. ఈ వ్యాధిని నియంత్రించడానికి మరియు ఆ గడ్డలను తొలగించడానికి 1954 నుండి 1994 వరకు నాలుగు దశాబ్దాల పాటు ఆయన నిరంతరం వైద్యుల పర్యవేక్షణలో ఉండాల్సి వచ్చింది. ఒక వ్యక్తి ఇన్ని వందల సార్లు శస్త్రచికిత్సలకు లోనవడం అనేది వైద్య విజ్ఞానంలో ఒక విస్మయకరమైన విషయం. చార్లెస్ జెన్సన్ శరీరంలో కొత్త గడ్డలు కనిపించినప్పుడల్లా వాటిని శస్త్రచికిత్స ద్వారా తొలగించడం తప్ప మరో మార్గం ఉండేది కాదు.
బేసల్ సెల్ నెవస్ సిండ్రోమ్ ప్రభావం వల్ల ఆయన ముఖం చేతులు శరీరంలోని ఇతర భాగాలపై వేలాది గడ్డలు ఏర్పడేవి. వైద్యులు వీటిని అత్యంత జాగ్రత్తగా తొలగించి ఆయనకు ఉపశమనం కలిగించేవారు. ఒకానొక దశలో ఆయన వారానికి ఒకసారి చొప్పున కూడా ఆపరేషన్ చేయించుకోవాల్సి వచ్చింది. ఈ సుదీర్ఘ పోరాటంలో ఆయన చూపిన మానసిక ధైర్యం ఓర్పు వైద్యులను సైతం ఆశ్చర్యపరిచింది. తన ఆరోగ్యం కోసం ఆయన చేసిన ఈ సుదీర్ఘ ప్రయాణం వైద్య శాస్త్రానికి కొత్త పాఠాలను నేర్పింది. ప్రతి శస్త్రచికిత్సలోనూ ఆయన తన ప్రాణాలను పణంగా పెట్టి పోరాడారు. ఈ క్రమంలో ఆయన శరీరం ఎదుర్కొన్న ఒత్తిడి భరించలేనిది. అయినప్పటికీ చార్లెస్ ఎప్పుడూ వెనకంజ వేయలేదు. ఆధునిక వైద్య పరికరాలు లేని కాలంలోనే ఆయన ఇన్ని సార్లు శస్త్రచికిత్సలకు సిద్ధపడటం గొప్ప విషయం.
మరోవైపు సౌందర్య సాధన కోసం అత్యధిక సంఖ్యలో శస్త్రచికిత్సలు చేయించుకున్న వ్యక్తిగా సిందీ జాక్సన్ గుర్తింపు పొందారు. ఆమె తన రూపాన్ని మార్చుకోవడానికి సుమారు యాభై రెండు కంటే ఎక్కువ రకాల పద్ధతులు మరియు శస్త్రచికిత్సలను అనుసరించారు. ఇందులో ముఖం కళ్ల కింద వాపును తగ్గించడం శరీర ఆకృతిని మార్చుకోవడం వంటి అనేక ప్రక్రియలు ఉన్నాయి. చార్లెస్ జెన్సన్ ఆరోగ్యం కోసం శస్త్రచికిత్సలు చేయించుకుంటే సిందీ జాక్సన్ తన ఇష్టపూర్వకంగా గిన్నిస్ రికార్డు సృష్టించడం గమనార్హం. వీరిద్దరి ఉదాహరణలు శస్త్రచికిత్స రంగంలో మనిషి పొందుతున్న మార్పులను తెలియజేస్తాయి. ఒకరు ప్రాణ రక్షణ కోసం మరొకరు అందం కోసం అత్యధిక సార్లు శస్త్రచికిత్స గదికి వెళ్లారు.
వైద్య రంగంలో ఇన్ని శస్త్రచికిత్సలు జరగడం అనేది కేవలం సాంకేతిక పురోగతి వల్లనే కాకుండా రోగుల సహనం వల్ల కూడా సాధ్యమవుతుంది. చార్లెస్ జెన్సన్ రికార్డు కేవలం ఒక సంఖ్య మాత్రమే కాదు అది మనిషి ప్రాణం కోసం చేసే నిరంతర పోరాటానికి ప్రతీక. ఆధునిక కాలంలో వైద్య సౌకర్యాలు పెరిగినప్పటికీ అప్పట్లోనే దాదాపు వెయ్యి సార్లు శస్త్రచికిత్స గదిలోకి వెళ్లడం అనేది అసాధారణమైన విషయం. ఆయన ఉదంతం వైద్య శాస్త్రానికి కొత్త సవాళ్లను విసిరింది అరుదైన చర్మ వ్యాధులపై పరిశోధనలకు దారితీసింది. మనిషి ప్రాణశక్తి ఎంత బలీయమైనదో నిరూపించడానికి చార్లెస్ జెన్సన్ జీవితం ఒక గొప్ప ఉదాహరణగా నిలిచిపోతుంది. రోగుల పట్ల వైద్యులు చూపే శ్రద్ధ రోగులు చూపే సహనం ఈ రికార్డు వెనుక ఉన్న అసలైన శక్తులు. వైద్య చరిత్రలో ఇటువంటి ఘటనలు అరుదుగా సంభవిస్తాయి. ప్రాణాపాయం ఉన్నా సరే పోరాటాన్ని ఆపకూడదనే సందేశం చార్లెస్ జీవితం ఇస్తుంది. విజ్ఞాన శాస్త్రం పెరిగే కొద్దీ ఇటువంటి రికార్డులు సంఖ్య పెరగవచ్చు కానీ చార్లెస్ జెన్సన్ నెలకొల్పిన పునాది ఎప్పటికీ చెక్కుచెదరదు.
(సి.హెచ్.ప్రతాప్)
