నన్నయ వర్సిటీలో స్వర్ణ పతకాల పంట

ఘనంగా 16, 17వ స్నాతకోత్సవ వేడుకలు
రాజమహేంద్రవరంలోని ఆదికవి నన్నయ విశ్వవిద్యాలయం శుక్రవారం విద్యా కుసుమాలతో కళకళలాడింది. విశ్వవిద్యాలయ 16వ మరియు 17వ సంయుక్త స్నాతకోత్సవ వేడుకలు అత్యంత వైభవంగా నిర్వహించబడ్డాయి. ఈ వేడుకలో ప్రతిభావంతులైన విద్యార్థులకు బంగారు పతకాలు, పట్టాలను ప్రదానం చేయడంతో ప్రాంగణమంతా పండుగ వాతావరణం నెలకొంది.
​గౌరవ వందనం స్వీకరించిన గవర్నర్
​ఈ కార్యక్రమానికి ముఖ్యఅతిథిగా హాజరైన ఆంధ్రప్రదేశ్ రాష్ట్ర గవర్నర్ మరియు విశ్వవిద్యాలయాల ఛాన్సలర్ మాన్యశ్రీ అబ్దుల్ నజీర్ గారికి వర్సిటీ అధికారులు ఘనస్వాగతం పలికారు. వేడుక ప్రారంభానికి ముందు ఆయన పోలీసుల నుండి గౌరవ వందనం స్వీకరించారు.
​45 బంగారు పతకాలు.. 722 మందికి పట్టాలు
​స్నాతకోత్సవంలో భాగంగా గవర్నర్ అబ్దుల్ నజీర్ చేతుల మీదుగా మొత్తం 45 మంది ప్రతిభావంతులైన విద్యార్థులకు బంగారు పతకాలు, పీహెచ్.డి పట్టాలను అందజేశారు. విద్యార్థుల పరిశోధనా కృషిని, అకడమిక్ ప్రతిభను ఈ సందర్భంగా గవర్నర్ ప్రత్యేకంగా అభినందించారు.
​